Шпыталь Світ здравя Свідник по дакількомісячнім позаставлїню ходу з доводу пандемії захворїня COVID-19 отворив постілёве оддїлїня фізіатрії, балнеолоґії і лїчебной регабілітації. TASR о тім інформовала ПР шпеціалістка сїтї шпыталїв Світ здравя, до котрой належыть свідницькый шпыталь, Біанка Крейчіова. ,,Одборный тім під веджінём прімаркы Анны Мігалканиновой ся венує дорослым паціентам з порухов моторічных функцій, по лїчіню невролоґічных і ортопедічных захворїнь або по операціях на десятёх постелях, а то в неперерывнім режімі. Часть оддїлїня окрем регабілітачной части хоснує і невролоґія,“ увела Крейчіова. Як повіла, праві повязаность тых двох оддїлїнь і скора регабілітація выразно злїпшують цїлкову успішность лїчіня коло многых нарочных діаґноз.

(TASR, Шутіова)