По суботняйшій резіґнації Каталін Новаковой з місця презіденткы Мадярьска про амнестію дотуляючу ся педофілной кавзы реаґували на то многы опозичны субєкты. Тоты подля сервера infostart.hu пожадують пряму вольбу главы штату намість парламентной вольбы, але обявили ся і ініціатівы на зрушіня дожывотных бенефітів Новаковой, што значіть одобратя нелем заробітку у вышці 11.599 евр, луксусного авта зо шофером, але і служобной квартелі із секретаріятом, на котре мать в змыслі закона бывала глава штату дожывотне право. (TASR, Pkf)