Парламентный обороннобезпечностный выбор рекомендує Народній раді Словацькой републікы высловити згоду із договором о оборонній сполупраці меджі владов Словацькой републікы і Споєныма штатами Америкы, і єдночасно рішыти, же іде о меджінародный договор, котрый має пріоріту перед законами. О договорі буде днесь пополідне їднати парламент на міморяднім засіданю. Міністер обороны Ярослав Надь, котрый договор підписав минулый тыждень із шефом америцькой діпломації Антоні Блінкеном, обгайовав на выборах підпис договору з тым, же США суть стратеґічным партнером Словакії і схваліня є в згоді з безпечностнов і обороннов стратеґійов Словакії. Як підкреслив міністер Надь, о присутности чуджіх озброєных сил будуть і далше вырішовати лем односны словацькы орґаны.

(Медвідь, TASR)