Місто Великы Капушаны отвoрили новый простор про дїти і їх родічів з назвов Тяпушково. Іде о пілотный проґрам становленый на підпору едукації і інтеракції наймолодшых жытелїв міста. Як TASR інформовала Ґабріела Федічова, манажерка канцеларнї пріматора, фунґовати буде коло містьского културного центра і бібліотекы а реґуларно в нім будуть орґанізовати різны актівіты. ,,Цїлём было вытворити простор і можности про дїти, котры суть дома з родічами, але приготовлюють ся на наступ до передшкольского або школьского середовища,“  увела Федічова. Проґрам ся буде одбывати  каждый другый четверь а ёго частёв будуть і едукачны подїї, котры будуть приготовлёвати одборницї з різных областей. 

(TASR, Шутіова)