Найвекшый лижарьскый портал Skiresort.info оцінив найліпшы резорты за рік 2019. Оцініня здобыли і словацькы центра Ясна і Татранска Ломніца. Інформувала о тім словацька пресаґентура TASR. Портал оцінював центра за многыма крітеріями, як наприклад понука лижарьскых зяздовок, транспортны заряджіня, якість приправы лижарьскых доріг, приступ до центер ці к місцям де ся мож уквартирювати. Ясна  здобыла у своїй великостній катеґорії, до 60 кілометрів зяздовок, штирї з пятьох гвізд а Татранска Ломніца меджі резортами з великостьов до 20 кілометрів зяздовок 3,5 з пятьох гвізд. Абсолутным переможцьом за рік 2019 став ся автрійскый Кірхберґ, котрый здобыв 4,9 з пятьох гвізд. (TASR, Пкф)