Франція і Польща хотять почати нову капітолу своїх односин і в повязаню з тым приготовлює ся новый договор. Повів то в понедільок французькый презідент Еммануел Макрон почас навщівы польского премєра Доналда Туска в Паріжі. Макрон высловив потішіня з Тусковой навщівы і зо сполягливого проевропского партнерства меджі обидвома країнами, котры подля нього мають ясну представу в области европской безпекы і найвекшых вызв. Французькый презідент підкреслив, же французько-польска співпраца в областях як оборона і енерґетіка помогла посилнити европску сувереніту. Обидві країны мають так само важну роль при підпорі Україны.

(Медвідь, TASR)