Пряшівскый самосправный край спущать найблизшый вікенд выяздову очковачу службу. Достати ся мать ку сеніорім у высшім віку а тяжко здравотнї постигнутым жытелём края. Край тоту нову службу сприступнює в узкій сполупрацї з містныма самосправами. Зарівно в суботу отворить далше, уж пяте великокапацітне очковаче центрум (ВКОЦ), а то в Бардеёви. TASR о тім інформовала говоркыня ПСК Даша Єленёва. Протягом найближшых днїв враховано вікенду є край приготовленый заочковати мінімално 13.700 інтересуючіх. Вакцінов Пфізер ся буде очковати у ВКОЦ протягом двох днїв в Старій Любовнї (7.5. i 10.5.), в Попрадї (8.5 і 9.5.), по єднім дню в Пряшові і Гуменнім (9.5.) і в новоотворенім ВКОЦ в Бардеёви (8.5.). Очковачов латков од компанії AstraZeneca буде край вакціновати протягом суботы (8.5.) в Пряшові і Гуменнім, будучій тыждень 11. і 12. мая і в Старій Любовнї.

(TASR, Шутіова)