x

В Шарошпотоці ся одбыла торжественна подія, котров собі Русины Мадярьска припомянули дату народжіня Ференца Ракоція ІІ

00

В Мадярьскім Шарошпотоці в суботу 23-го марца 2019-го року проходила торжественна подія, котров собі Русины Мадярьска припомянули дату народжіня Ференца Ракоція ІІ., котрый Русинів назвав найвірнішым народом – gens fidelissima, за їх вірну службу в повстаню проти Габсбурґів. Подію орґанізувало Вседержавне русиньске самосправованя вєдно із містным Шарошпотоцькым русиньскым самосправованьом. Традіція стрічати ся і припоминати собі день народжіня Ференца Ракоція ІІ. зачала  перед 20-ма роками. Першый рік пришло коло 30 аж 40 людей, тот рік была участь коло 350 людей, котры пришли до Шарошпотоку орґанізуваныма  автобусами із цілой державы.