Експерты ОSN у четверь потвердили, же в Антакртідї быв влони зазначеный новый теплотный рекорд 18,3 ґрадуса. Інформовала о тім аґентура AFP. Рекордну теплоту наміряли наполідне 6. фебруара 2020 на арґентіньскій поларній станіцї Есперанза, котра ся находить на Антарктічнім півострові. Теплотный рекорд у четверь офіціално – по закончіню процесу овірёваня – потвердила Світова метеоролоґічна орґанізація (WMO), котра належыть меджі інштітуції OSN. ,, Потверджіня того теплотного рекорду мать велике значіня, затоже нам помагать вытваряти сі образ о погодї і клімі в єдній з найоддаленішых частей Земли,“ повів ґенералный таёмник WMO Петері Талас. Упозорнив, же Антарктічный півостров належыть меджі найскоріше ся отеплюючі области нашой планеты.

            (TASR, Шутіова)