Сполучены штаты обвинили Росію, же продовжує в планох на анектованя дальшой україньской теріторії. Інформацію принесла пресаґентура  AFP. Йогн Кірби, говорця Рады Білого дому про народну безпечність новинарям повів у Вашінґтоні, же ‟Росія зачінать реалізувати план, котрый мож назвати мануалом про анектованя. Є барз подобный тому што сьме віділи в 2014-ім року, кедь Росія атаковала Крім і наконець го анектовала. Як дале Кірби додав, же Росія досяджує до урядів неповномочных представителів в даных областях Україны, котры мать під контрольов. Подля нього мать Росія в плані зорґанізувати ‟фалошны референдума‟ в україньскых областях, котры обсадило і правдеподобно ся будуть одбывати уж в септембрі. Інформував тыж, же україньскыма теріторіями призначеных на анектованя патрять Херсонська і Запорожська область і ціла Донецька і Луганьска область. (TASR, Pkf)