Посланці мадярьского парламенту векшынов посланців владного блоку Fidesz-KDNP вчера одобрили узнесіня о візії будучности Европской унії, котру бы мала презентовати мадярьска влада в бруселскій діскусії. Окрім іншого обсягує пропозицію, абы посланці Европского парламенту (EP) делеґовали народны парламенты, інформує справодайця TASR в Будапещі з одкликаням ся на справу серевера telex.hu. За пропозицію споминаной візії в рамках выняткового двойдньового засіданя парламенту голосувало 130 посланців і 50 было протів.  В змыслі візії Мадярьска о будучности EÚ бы EP, котрого посланці суть днесь прямо волены, мав бы быти розпущеный і його новы членове  бы мали быти делеґованы народныма парламентами. (TASR, Pkf)