До ґрецького пограничного реґіону Еврос доразили днесь посилы на бой з розсяглым пожаром. Огень захватив ліс і його северовыходны часті іщі в четверь, покы ся го шак неподарило достати під контролю, увело інтернетове выданя ґрецького денника Kathimerini. Гасічі бойовали з пожаром цілу ніч, в області ся шак находить главні сосновый порост, котрый є вынятково горлявый. На гасіню подля денника брало участь 291 гасічів зо 65 автами, як і штирьома летадлами на гасіня і штирьома гелікоптерами. Ґрецька влада увела, же з причіны пожарів мусіло быти до безпеча евакуованых скоро 50.000 обывателів. (TASR, Pkf)