x

Од 16-го до 22-го септембра одбуде ся Европскый тыждень мобіліты

00

Кошыцькый і Пряшівськый самосправный край будуть брати участь в кампанії Европскый тыждень мобіліты, котрый одбуде ся од 16-го до 22-го септембра. Актівіты, котры вєдно приправили, підпорять путованя автобусом, біцікльом і піше ходжіня. Темов актуалного річника кампанії є Ліпша доступність  а моттом Путуйме одповідні. Кошыцькый і Пряшівськый самосрпавны краї в сполупраці з IDS Východ зорґанізують в данім терміні 2-ый річник ініціатівы 10 000 Про здравя. Вызва мать мотівувати обывателів выходу к реґулярному ходжіню хоч в часі єдного тыждня з амбіціов вчленити го до каждоденного жывота. Про обывателів выхода собі жупы приправили і дальшы актівіты на підпору еколоґічного транспорту. Наприклад, буде значна зліва з листка в часі меджінародного дня без авт, можность за дармо выбавліня безконтактоной доправной карты, путованя автобусами за вынятковы ціны, то значіть, же в четверь 22-го септембра 2022-го року путуючі заплатять за листок 0,20 евр за каждых 50 кілометрів. В рамках підпоры путованя автобусами зорґанізує ся в пряшівскім краю і змаганя Збирай зелены кілометры і підпориме розвой ціклодоправы. (Pkf)