Новым архієпіскопом Пряшівской архієпархії і метрополітом ґрекокатолицькой церькви на Словакії є Йонаш Йосиф Максім , дотеперішнїй представленый студітьского монастыря в Уніві на Українї. Выменовав го у четверь на свято святого великомученика Деметера папа Франціск. Інформовала о тім посередництвом Тисковой канцеларнї Конференції єпіскопів Словакії Апостольска нунціатура на Словакії. Ёго мено ознамив наполїдне в катедралї св. Йоана Крестітеля в Пряшові владыка Петро Руснак. Тот зоставать апостольскым адміністратором на выконаваня бежных уконів аж до перевзятя канонічного властнїня архієпархії новым єпіскопом.

(TASR, Шутіова)