Мімопарламентна партія Hlas-SD вызывать председу Народной рады Словацькой републікы Бориса Коллара скликати округлый стіл політічных партій ку темі референдума так, як то обіцяв. В припаді, же Коллар округлый стіл не скличе, мав бы на наблизше засіданя парламенту подати властну пропозіцію новелы Конштітуції СР, котра бы уможнила реалізовати референдум о передчасных вольбах, або бы уможнила то, же бы собі депутаты самы могли скоротити функчный період. Лідер партії Петер Пеллеґріні на понедільковій пресконференції підкреслив, же 600 тісяч підписів гражданів, котры жадали о референдум о скорочіню волебного періоду, не сміє зістати в коші.

(Медвідь, TASR)