В Кромпахох прибыв памятник голокавсту. На єднім зо сідліск го одгалили бігом тогорічных Днїв міста. На выставбу памятника приспіла і австральска писателька Геатгер Моріс, авторка світового бестселеру Tetovač z Auschwitzu. Головным героём єй роману є Ludwig Eisenberg Sokolov, званый Lale з Кромпах. Праві тота писателька пришла з думков, поставити в Кромпахох памятник жертвам голокавсту. Тот стоїть на місцї, де колись стояла жыдївска сінаґоґа, коло нєй быв сїльскый дім, в котрім была людова школа і пекарня. Місто на памятник выдїло 13 250 евр.

(Шутіова, Korzár)