x

Ґреція і Македонія суть перед кінцьом спору

00

Міністры загранічных діл Ґреції і Македонії в понедільок оголосили, же заперли головне коло їднань заміряных на закінчіня спору коло назвы Македонії і завершалну фазу їднань будуть вести премєры тых держав. Шефове діпломації Нікос Котзіас і Никола Димітров зышли ся в понедільок в Бруселі попри стрічі міністрів загранічных діл Европской унії. Далше уж будуть їднати лем премєры Алексіс Тсіпрас і Зоран Заев. Заевова влада завязала ся, же змінить назву републікы. Атены мають довгодобо страх, же сучасна назва Македонія назначує теріторіялны претензії на североґреческый реґіон з єднаков назвов. Атены за зміну назвы приобіцяли, же стягнуть свій протест проти зтого, жебы Македонія стала членом НАТО.
(TASR)