Концертный проєкт до 90-ой річніці народжіня Енді Варгола

16-го мая 2019 р. о 19:00 год.  –  В-КЛУБ, Намістя СНП 471/12, Братіслава

Унікатный мултімедіалный концертный проєкт выходжать з автентічной награвкы матери Е. Варгола Юлії Завацькой Варголовой, котра за свого жывота в США зачатком 70-ых років 20-го столітя вдяка ініціатіві свого сына Е. Варгола наспівала на LP платню в награваючім штудіу на Time Square в Ню Йорку автентічны русиньскы народны співанкы. Toту платню пізніше посылала своїм близкым „до краю“ – до свого родиска – як рождественный дарунок. Співанкы были переаранжованы і переспіваны в інтерпретації оперного співака Iґорa Куцерa в супроводі музичной ґрупы Emotion group. Переключіньом традіцій із сучасныма музичныма трендами авторы проєкту хотіли звыразнити красоту співанок, котрым ся одмаленька прислуховав  сам краль поп-aрту Енді Варгол. Концертне выступліня презентує і оріґіналны цітації з голосом Юлії Завацькой Варголовой, візуално є доповнене фотоґрафіями зо жывота родины Варголовых і автентічных діл Юлії і Е. Варгола. Проєкт одзеркалює нелем намагу вдыхнути новый жывот стародавным і позабытым співанкам,  але презентує їх у новім „облечіню“, што такой свідчіть o походжіню і основі творчости Е. Варгола.

Концертне мену (в ціні вступного) : welcome drink, грибова мачанка і татарчаны перогы

Сучастьов концерту буде святочне уведжіня до жывота CD/DVD Igor Kucer Emotion Group – presents songs by Andy Warhol´s mother Julia Warhola – oбсягуючій сувенірову банковку 90 корун Лемківскых (metalic special edition) .

 Igor Kucer Emotion Group: Igor Kucer- spev
Peter Uher- gitary
Lukáš Cintula- klávesy
Branislav Valanský – basgitara
Matej Richtarčík- bicie nástroje
Miroslav Szirmai- perkusie