Векшына країн Европской унії у віторок вызвала Европску комісію, жебы зробила крокы проти Мадярьска, покля влада премєра Віктора Орбана не уступить од кроків ціленых проти LGBT особ. Тоты крокы подля сіґнатарів выголошіня порушують основны цінности ЕУ. Становиско підписало 17 із 27 членьскых держав. Выголошіня ініціовала Голандія, і підписали го Австрія, Белґія, Чеська републіка, Данія, Естонія, Фінландія, Франція, Німецько, Ірландія, Латвія, Літва, Луксембурґ, Портуґалія, Словенія, Іспанія і Швеція.

(Медвідь, TASR)