Членьскы країны в Раді Европской унії у віторок в Бруселі схвалили новый фінанчный інштрумент, котрый уможнить державам вєдно куповати воєньске выбавліня і здобыти пожычкы на оборону аж до сумы 150 міліард евр. Новый шпеціалізованый інштрумент SAFE – Security Action for Europe, котрый дасть членьскым державам пожычкы за міліарды евр із розрахунку Европской унії, представила Европска комісія в марці в рамках білой книгы о европскій обороні з назвов Приготовленость 2030. Країнам уможнить вєдно куповати ракеты, артілерію, безпілотны літакы, муніцію і далше воєньске выбавліня. Пожычкы будуть годны здобывати і іншы країны, наприклад Україна, а важный інтерес проявила і Великобрітанія.

(Медвідь, TASR)