Німецькый міністер загранічных діл Йоганн Вадефул вызвав на тіснішу співпрацу із Споєныма штатами в повязаню з продовжуючов російсков офензівов на Україні. Шеф німецькой діпломації одышов на свою першу офіціалну навщіву Вашінґтону, почас котрой має із америцькым резортным партнером Марком Рубіо діскутовати о сучасных меджінародных крізах. „Жебы сьме привели Путіна за стіл переговорів, жебы сьме забезпечіли, же Росія пристане на серьйозны переговоры, мусиме продовжовати в тиску,“ повів Вадефул перед віторковым одлітом до США. За його словами Европаны будуть продовжовати в строгішых санкціях, і америцькый Конґрес так само є приготовленый на далшы санкції. Міністер підкреслив важность трансатлантічной співпраці про слободу в Европі. Вадефул так само інформовав о планах діскутовати з америцькыма представителями o можливій реалізації дводержавного рішіня в Пасмі Ґазы як найліпшой шансы на тырвалый мір в реґіоні.

(Медвідь, TASR)