Вчера вечур были в Европскім парламентi (ЕП) в Бруселі переданы Ціны европского жытеля за рік 2022. За Словакію собі ціну перевзяв штудент Марцо Неметг за публікацію Европа в коцкі. Інформує о тім справодайця пресаґентуры TASR. О тогорочных переможцях вырішыла 22-го юна Канцеларія Ціны европского жытеля. Оцінює ініціятівы, котры суть заміряны к европскій сполупраці і просаджуваню сполочных европскых цінностей. Тот рік выбрали 30 переможців з 24 членьскых країн Евроспкой унії  споміж 300 жадостей. Словацькым лавреатом є Марцо Неметг, котрый як 15-рочный написав книгу Европа в коцкі. (TASR, Pkf)