Од нового школьского року дійде на основных школах ку лібералізації навчаня чуджіх языків. Покля дотеперь было навчаня анґліцького языка обовязкове, од септембра будуть мати школярі і їх родічі можливость выбрати собі як першый язык іншый. В понедільок то почас меджінародной конференції Вецеязычность на Словакії – вызвы і перспектівы в Братіславі потвердила міністерка школства Мартіна Лубійова. Підкреслила, же то буде можливость, не обовязок. „Тоты, котры собі дотеперь выберали і хотять далше выбрати анґліцькый язык, можуть собі го выбрати. Так само з боку школы не є обовязок отворити класу з іншым языком, покля то хоче лем єден школярь, бо в рамковім навчалнім плані ся говорить, же подля выберу школяря і можливости школы,“ повіла міністерка. Лубійова потвердила, же кедь школярь выбере іншый язык, навчаня анґліцького буде про нього обовязкове на другім ступні основных школ.

(Медвідь, TASR)