Брітаньскый премєр Боріс Джонсон у четверь зась телефоновав з україньскым презідентом Володимиром Зеленьскым. Говорили о розвитку конфлікту з Росіёв і потребах україньской армады. Тота окрем іншого жадать о збранї з векшым досягом, котры бы заборонили російскому бомбардованю цівілістів на Українї. Інформовав о тім уряд премєра на Downing Street. TASR справу перевзяла од станіцї Sky News i денника The Guardian. ,,Премєр підчеркнув і важність незалежного меджінародного судного процесу, жебы тоты, котры несуть одповідность за огавности паханы на Українї, не утекли справодливости. Уістив Зеленьского і о брітаньскій підпорї при згромаждёваню доказів о войновых злочінох на Українї,“ повів говорця брітаньской влады. Лідры обидвох країн ся договорили, же о пару дней сі заклічуть зась.

(TASR, Шутіова)