Од 1-го септембра будуть вшыткы робітници Теріторіялного центра мобілізації і соціалной підпоры (ТСЦ), котры выконавають мобілізацію україньскых бранців, повинны носити тіловы камеры і записовати відео з мобілізуваня бранців або контролі документів. Подля сервера 24.hu тото выголосив в четверь на аплікації Telegram україньскый міністер обороны Денис Шмигаль, інформує справодайця пресаґентуры TASR в Будапещі. Подля аґентуры MTI міністер підчеркнув, же за порушіня правил награваня грозить дісціплінарне діяня. Высвітлив, же тото опатріня мать забезпечіти транспарентность і законность роботы ґруп, котры мобілізують поволаных і хранять права особ, котры суть повинны выконовати воєньску службу, так як і робітників воєньскых мобілізачных центрів. (TASR, Пкф)