О насаджіню словацькых вояків не будуть рішыти бірократы з канцеларней в Бруселї. У відею на соціалній сїтї то повів міністер внутрїшнїх дїл і председа Hlasu-SD Матуш Шутай Ешток з тым,же Словеньско є зверьхованый і суверенный штат. Реаґовав так на выражіня председнічкы Европской комісії Урсулы фон дер Леєновой, же Европа приготовлює ,,помернї детаілный план“ высланя многонародных єдноток на Україну як сучасть повойновых безпечностных ґаранцій. ,,Хочу повісти яснї, же словацькы вояци на Україну не підуть. Покы сьме мы частёв влады, через нас таке рішіня не перейде а не доволиме то,“ познаменав Шутай Ешток. Є пересвідченый, же словацькы вояци бы в припадї нападжіня Словеньска бранили державу зо збранёв в руцї а без заваганя. Не може ся але подля нёго стати, жебы положыли жывоты в україньскых закопах про ґеополітічны інтересы дакого другого.

(TASR,  Шутіова)