Росія в ночі на пятніцю послала на Україну 539 дронів і 11 ракет, інформувало о тім україньске літецьтво. Протівоздушна оборона зліквідовала 268 дронів і дві ракеты. Цільом російскых атаків быв найвеце постигнутый Києв, одкыль голосять 23 пораненых. Україньскый міністер загранічных справ Андрій Сибіга увів, же тота розсягла воздушна атака указала, же Росія не мать інтерес о мір. Інформують о тім аґентуры  AFP a AP. Подля україньского літецтва, нічна російска атака была найвекшов од початку войны. Росія успiшно засягла вісем локаліт девятьома ракетами і 63 дронами. Часті зо засягнутых дронів допали на найменше 33 локаліт. В наслідку електронічного боя ся стратило 208 дронів. Воздушны силы на платформі Telegram інформували, же Росія атаковала і гіперсонічнов балістічнов ракетов Kinžal. (TASR, Пкф)