В Снині в пятницю отворили нове робоче місце  Одділіня чужинецькой поліції. Призначене є главно про жытелів Україны, котры втікають перед войновым конфліктом, і реаґує на леґіслатівны зміны. Міністер внутра Матуш Шутай Ешток на його одкрытю повів, же на одділіню діє 14 поліцайтів і в день отворіня центра выбавлять першых 55 особ. Нововытворене одділіня буде пріорітно забезпечовати вычеряня папіровых леґітімацій  публікованых в роках 2022 аж 2024, за новы днешні ID карты і реґістрацію новых жадателів о дочасный притулок. Словакія евідує веце як 140 000 жадателів о тот штатут. Вытворіньом споминаного одділіня в Снині піде к значному одлегчаню решты 13 одділінь чужинецькой поліції, котры  будуть так мати можность інтензівніше веновати ся іншым жывотним сітуаціям і проблемам чужинців. (TASR, Пкф)