x

Польскы посланці вчера одобрили новый медіалный закон

00

Польскый Сейм вчера вечур одобрив новелу медіалного закона, котрый давать можность властнлцитво медій в Польщі лем субєктом з центром в країнах Европского господарьского простору (EHS). Тоты субєкты єдночасно неможуть быти незалежны од сполочности ці особ реґістрованых мімо EHS. За новелу голосувало 228 посланців, 216 было протів і десять ся стримало. Опозиція тот закон чує як атак на приватну телевізію TVN24, котру властнить америцька сполочность Discovery посередницьтвом субєкту реґістрованого в Голандії. (TASR, Pkf)