Міністерство школства, наукы, баданя і шпорту СР поможе самосправным краём в наповняню їх проґрамів на зефектівнїня сїтї середнїх школ. Выходить то зо заверів четверёвого рокованя Здружіня самосправных країв СК8 з міністом школства Бранїславом Ґроглінґом (SaS). Краї суть найвекшым зряджователём середнїх школ на Словеньску. Подля міністра але густота сїтї тых школ довгодобо некорешпондує з демоґрафічным розвоём. Раціоналізація сїтї середнїх школ бы мала подля нёго принести штату ушпоры. Пінязї ушпорены припадным знижінём кількости школ в сїтї хотять міністерство школства і самосправны краї напрямити назад до школ як інвестіції.

(TASR, Шутіова)