Як бы ся вольбы до Народной рады СР одбыли кінцьом мая, выграла бы партія Hlas-SD з набытям 20,3 процента голосів. Другый в ряді бы скінчів Smer-SD (14,9 процента), потім наслідує SaS (11,1 процента). Выходить то з дослідженя аґентуры Focus про релацію TV Markíza На тіло.  Четверте в ряді бы скінчіло Проґресівне Словеньско (9,1 процента). Наслідує рух OĽANO (8,1 процента), Република (6,8 процента), KDH (6,5 процента) і Сьме родина (5,6 процента). Збераня дани ся одбыло од 25-го до 31-го мая на взорці 1008 респондентів. (TASR, Pkf)