Чехія в довгодобім горізонтї рахує з тым, же бы мала мати  свого амбасадора в Москві. По стрїчі найвысшых конштітучных чінітелїв і міністра загранічных дїл ЧР о загранічній політіцї то у четверь увів чеськый презідент Петер Павел, інформує справодайкыня TASR в Празї. Презідент підкреслив, же меджі нима не были ани в минулости незгоды в тім, цї пост обсадити, але в якім часовім слїдї. ,,Теперь сьме в сітуації, кедь амбасадор і двойка на амбасадї будуть мусити быти нагороджены. Шор буде асі опачный – то значіть наскоріше будеме рішыти заступцю, аж потім амбасадора,“ прозрадив поступ презідент. Цїла залежітость але подля нёго залежыть од  розвитку актуалной сітуації.

(TASR, Шутіова)