Америцькый міністер загранічных дїл Майк Помпео і афґаньскый презідент Ашраф Ґгані ся догодли на зінтензівнїню намаг о закінчіню войны в Афґаністанї. З одкликанём ся на четверёве выголошіня америцького міністерства загранічных дїл о тім інформовала аґентура Reuters. Помпео афґаньского презідента бігом телефонічного діалоґу зарівно убезпечів о тім, же Споєны штаты ся і надале засаджують за знижованя воєньской притомности в Афґганістанї, котре буде поступно і подмінєне повнінём обовязoк выходячіх з припадного мірового договору. Ку розговору америцького шефа діпломації з афґаньскым презідентом пришло в часі, кедь Споєны штаты інтензівнї рокують з екстремістічным гнутём Талібан о закінчіню войны в Афґаністанї.

(Шутіова,TASR)