Іста чіньска компанія недавно вывезла 300 оязденых авт до Камбоджі, Ніґерії, Мянмарьска і Росії. Іде о першый чіньскый ехпорт того сорту, кедже Пекінґ дотеперь обмеджував розсяглый ехпорт оязденых авт. Снажыв ся так хранити своїх выробців, котры ся бояли, же низька якість може пошкодити їх репутацію. „Прийде і дальшый подобный ехпорт і його вплив пересягне домашній рынок оязденых авт,“ думать собі коментатор аґентуры Bloomberg Адам Мінтер. Кедже днесь ся увага звертать на електричны і автономны авта, є легко переглянути розсяг і вплив рынку оязденых авт. В розвинутых країнах ся продавать двократньо вецей старшых авт як новых. Наприклад США ся в минулім року продало 17,3  міліона новых авт а аж 40,2 міліона оязденых. І тота діра ся в тім року іщі розшырить главні про розділы в цінах. (TASR, Пкф)