В суботу 17-го мая ґрекокатолицькы віруючі із сел Воліця і Репеїв брали участь на пути в історічнім путницькім місці Маріяповч в Мадярьску. Путованя одбыло ся в рамках Юбілейного року. Головным служытельом торжественной літурґії быв отець Шімон Ґаян, адміністратор парохії Репеїв, котрый припомянув у проповіді історічны капчаня монастыря в Краснім Броді і в Маріяповчі. По літурґії отець Петро Кашко познакомив путників з історійов слызыня іконы Матери Божой в Маріяповчі, і з тым, чом є важне тото місце про віруючіх із цілой стародавной Мукачовской єпархії. По обіді путници стрітили ся в деревянім храмі, котрый стоїть при головнім, де ся помолили Молебен ку Пресвятій Богородіці, якый одправляв отець Мілан Сисак, адміністратор парохії Воліця.

(Медвідь, ISPA)