Міністер транспорту СР Йозеф Раж потвердив потрібность другой рулы тунела Браніско, котра є пріорітов Народной доріжной сполочности (NDS) і мать выпрацювану штудію реалізовательности. Прічінов є высокый і ростучій транспорт, котрый є актуално 17 500 авт за день і предпокладать ся, же од року 2029 буде уж понад 20 000 авт. Правдаже і потреба утримованя існуючой рулы, котра мать понад 20 років потребує ревізую. Што до штудії новой рулы, тота рішыть 7 варіантів, рекомендованый є але варіант 5, котрый бы коштував коло 350 міліонів евр і забезпечів бы найліпшый утік в крізовых сітуаціях. Тунел бы ся мав разити ціклічно, за повной превадзкы. Цілый проєкт NDS за півміліарды евр обсягує тыж розшыріня D1, реконштрукцію існуючой рулы, драгы через Браніско і будову екодуктів. Нова рула бы мала быти докінчена в році 2035, наслідно ся зреконштруує перша рула. (TASR, Pkf)