На Уряд Прашівского самосправного края доразила друга сплатка з цїлковой сумы 7,1 міліона евр на велику реконштрукцію Музея модерного уменя Енді Варгола в Меджілабірцях. Про TASR то потвердила Даша Єленёва з оддїлїня комунікації і пропаґації уряду з тым, же край як зряджователь музея уж зробив вшыткы потрібны крокы ку приготовлїню проєкту. Першу сплатку у вышцї два міліоны евр достав край од міністерства фінанцій в септембру 2020, актуално прияв ПСК уграду другой сплаткы у вышцї штирёх міліонів евр. Дотацію на комплексну реконштрукцію вонкашнїх і внутрїшнїх просторів ММУЕВ схвалила бывша влада на єднім зо своїх выяздовых роковань. Єй цїлём є зьєдинити інтерьєр з екстерьєром а выразно змодернізовати музей про 21. стороча.

(TASR, Шутіова)