До тогорічной добровольной акції в Пряшові Люб своє місто ся залучить веце як 2900 добровольників. Як інформує самосправа на соціалній сіти, під час дальшых двох тыжднів будуть вєдно прятати публічны просторы, натерати лавкы і плоты, зліпшовати паркы, улиці ці школскы ареалы. До восьмого рочника найвекшой добровольницькой акції, котра ся зачала в понедільок (19-го мая), ся залучать школярі і педаґоґове із основных і з матерьскых школ, заступцове різных інштітуцій, церьковных ці жытельскых орґанізацій і  веце як 130 робітників містьского уряду. Фестівал добровольницьтва Люб своє місто ся в Пряшові орґанізує реґулярно од року 2017 з выїмков періоду пандемії в році 2020. (TASR, Pkf)