x

В окресі Стара Любовня є менше хворых, но шпыталь уж не мать місця

00

Чісло позітівных на хвороту COVID-19 в окресі Стара Любовня уж другый тыждень по собі знижує ся. Про аґентуру TASR то потвердила гіґієнічка Марія Манцалова з тым, же в попереднім тыждню зназначіли 549 припадів, што є о 173 менше як в моніторованім періоді передтым. Найвеце позітівных припадів є в місті Стара Любовня, но высокы чісла были і в русиньскых селах як Якубяны ці Камюнка. Хворота ся подля гіґієнічкы далше пошырює головно в родинах і заряджінях про діти і молодеж. Наперек зліпшуючой ся сітуації є стан в Любовняньскім шпыталю дале крітічный. Місця на ковідовім одділіню суть повны, паціентів з ховоротов COVID-19 мусять возити до іншых шпыталів. Подобна сітуація є у вшыткых шпыталях Пряшівского краю.

(Медвідь, TASR)