Міністерство роботы передложыть на їднаня влады пропозіцію наряджіня на піднятя мінімалной мзды на уровень 580 евр, но з незгодов представителів заместнавателів, котры мали припомінкы ку пропозіції на понедільковім засіданю Господарьской і соціалной рады. Соціалны партнеры, як і резорт роботы, суть охотны їднати і о одпоїню мінімалной мзды од приплатків. „Тріпартіта не дішла ку згоді при пропозіції наряджіня влады, котрым ся встановлює сума мінімалной мзды. Єднотно вшыткы соціалны партнеры были проти пропозіції, профсоюзы пропоновали веце, заместнавателі менше, но думам, же была і барз добра діскусіа ку тому матеріалу“ повів міністер Ріхтер. Подля нього не была проблемов сума мінімалной мзды, але головно на ню надвязуючіх 42 приплатків, котры суть залежны од мінімалной мзды.

(Медвідь, TASR)