Североатлантічна аліанція на саміті в Мадріді в середу вырішыла о запрошіню Фінландії і Швеції до своїх рядів. Головы держав і влад членьскых держав НАТО на саміті єдночасно были згодны з підписаньом приступовых протоколів з тыма двома країнами. Лідеры країн НАТО потвердили у своїм выголошіню політіку одкрытых дверей Аліанції. Як інформовали лідеры членьскых держав у запрошіню про Фінландію і Швецію, в припаді вступу до Аліанції є жывотно важным, жебы ся брали подядно до відома леґітімны безпечностны інтересы вшыткых союзників. Привітали трилатералный меморандум, котрый у віторок підписали Фінландія, Швеція і Турція, по котрім Турція выголосила, же не буде веце боронити тым двом країнам вступисти до НАТО.

(Медвідь, TASR)