Опозічна партія Слобода і Солідаріта (SaS) подає трестне ознамлїня на незнамого дїятеля в дїлах позмінёваня даных в інформачнім сістемі Подогосподарьской платобной аґентуры. TASR о тім інформовали представителькы SaS Анна Земанова і Ярмила Галґашова. Як увела Ярмила Галґашова, тімлідерка SaS про земельне господарство: „Жадаме, жебы панї міністерка Ґабръєла Матечна конечнї выводила одповідность, затоже подля нашых інформацій іде о стовкы фіктівных фармарів і о міліонах евр, котры были украдены за помочі штатной моци. І розггоднутя Найвысшого суда повторно потвердило, же главны представителї PPA суть підозрілы з того, жебы з фіктівных платеб могли профітовати.‟ Найвызначнїшым припадом є подля Галґашовой тот медіалізованый припад експосланкынї Любіці Рошковой, котрый напав і Найвысшый суд СР. Тота в роцї 2017 поберала дотації в різных селах на загуменкы в малых вымерах, цїлково на 180 гектарів. Маїтелї фундошів не знали, же дахто на їх фундошы бере гроши. В сістемі MPRV i PPA тоты плохы не суть вызначены, суть стерты. Екзістує важне підозрїня, же PPA в інформачнім сістемі задумано мінять інформації, жебы закрыла выплачаня дотацій а знеможнила трестне постигованя одповідных людей.
(TASR)