До реконштрукції драгы на град Любовня інвестовав Пряшівскый самосправный край 359.000 евр. Як о тім пресову аґентуру TASR інформовала говоркыня краю Даша Єленьова, ставебны роботы за веце як 1,5 кілометровій трасі тырвали три місяці. До ужываня єй дали вчера. Кедьже на град каждорочні приходять тісячі турістів, іде подля ньой о барз фреквентовану драгу. Як повіла Єленьова, град Любовня в тогорочній сезоні наперек пандемії  мав аж 40-процентный нарост навщівників в порівнаню з минулым роком. (TASR, Pkf)