Десяткы років про людей недоступный обєкт „Ґрофскы хыжкы“ над селом Новоселіця на теріторії Народного парку Полонины, за соціалізму выужываный функціонарями на польовачкы, в тогорочній літній сезоні отворять про людей. Під Справу Полонин перейшов од 1-го апріля в рамках реформы народных парків од Лісопольносподарьского маєтку Уліч і бывшый тзв. „міністерьскый“, в сучасности режійный ревір. Справа вірить, же область ся стане облюбенов турістічнов дестінаціов. „Місце ся находить в атрактівній долині Збойского потока од села Новоселіця по Рябу скалу. „Міністерьскый ареал творить польовницька хата, рыбник На Млаках і лукы Медовой бабы з пчолином,“ повів директор Справы НП Полонины Miрoслав Бураль з тым, же єй отворіня про людей буде першым кроком, котрый зроблять. TASR (А. Кузмякова)