Енді Варгол, окрем творіня серіґрафік і хоснуваня вшеліякых метод творіня образів, занимав ся тыж фотоґрафуваням. Хоц то може меньше знамый обшыр його артистичной діяльности, доднес не сут знаны світу його приватны колекції. Фундація Енді Варгола рішыла тепер з приступнити коло 100 тісяч приватных знимок, через діґіталну бібліотеку , котры не лем представляют самого артисту, але і його славных знаёмых. Першы зо знимок будуть в септембрі выставлены в Артистичнім Центрі Універзиті Станфорда в Каліфорнії в рамках проєкту Contact Warhol Project. Выйде тыж книжка присвячена тому нештоденному проєкту, котра бы здруку мала выйти в новембрі. Діґітальна бібліотека, рахуюча 100 тісяч фотоґрафій, зачне фунґувати до кінця того року.
(TASR)