Председа Пряшівского самосправного края (ПСК) Мілан Маєрскый заставив реалізацію узнесіня з майового засіданя крайского парламенту, котре ся дотуляло вытворіня самостатной розрахунковой орґанізації „Музей в Ганушовцях над Топльов“ одділіньом орґанізачной части од Крайского музея в Пряшові. Як выходить з документу опублікованого на інтернетовім сайті ПСК, тот крок є про край невыгодне. Як у своїм вердікті пояснив Маєрскый, же вытворіньом Музея в Ганушовцях над Топльов нарушыть ся принціп господарности, ефективности і успішности хоснованя публічных средств. Різіком є подля председы ПСК і можна страта дотації з еврофондів. Крайске музеум мать алокованы средства у вышці  скоро 2 міліоны евр на реконштрукцію каштеля в Ганушовцях над Топльов. Кедь бы справа каштеля перешла під нову орґанізацію, грозить, же на тоты фінанції бы уж не мала право. (TASR, Pkf)