Як в пятніцю 23-го мая 2025-го року інформовав Пряшівскый самосправный край (PSK), котрый є зряджовательом музея, ставебна часть проєкту є успішно у своїм фінале. Як інформувалa пряшівска жупа, же музей є з того боку змодернізованый і перебудованый в змыслі первістных планів і візій. Уж днесь ся може похвалити новыма експозічно-едукатівныма просторами, амфітеатром про приблизно 100 людей, енвіроманталныма елементами в подобі зеленой веґетатівной стріхы, і унікатным перепоїньом інтерьєру з екстерєрьом посередництвом стріхы і фасады, по котрых ся дає ходити. Фундаменталныма змінами перешов інтерьєр, в котрім суть вытворены новы выставны експозіції, прибыли ґарадічі, єден шток, і вдяка звекшеным просторам выникли різны оддыховы зоны і бістро в спідній части будовы. „Модернізаційов перешли і технолоґії, включно якостной воздушной технікы і безпечностных сістем‟. Перебудовало ся за приблизно 13,2 міліонів евр. Музей теперь чекать далша фаза, в рамках котрой буде рішыти ся інтерьєрове выбавліня музея різной сорты і мултімедіално-інтерактівны елементы. Інтерьєр принесе много атіпічных елементів, котры ся роблять на міру про музей – од меблів, технолоґічных аспектів аж по інтерактівны авторьскы творы. Амбіційов PSK є діло докінчіти до кінця того року і отворити го на ярь 2026-го року. Фото: FB/Prešovský samosprávny kraj. (ЛЕМ.ФМ, Пкф)