Польска партія Догода вырішыла зохабити владну коаліцію веджену партійов Право і справодливість (PiS). Днесь о тім інформувала аґентура PAP. Подля денника  Gazeta Wyborcza іде о ,,формалный конець коаліції“. Говорця Догоды Ян Стрзежек на соціалній сіті Twitter написав, же іх ,,посланці зохаблять клуб коалічных партій і в парламенті вытворять самостатный посланецькый клуб“. Найновшый політичный вывой у северных сусідів Словакії є реакція на крок польского премєра. Матеусз Моравіецкі пожадав у вівторок презідента Андрзейа Дуду, абы з місця віцепремєра і міністра одкликав Ярослава Ґовіна, котрый є шефом партії Догода. Ґовін у владі выконавав функцію  віцепремєра і міністра розвоя, праці і технолоґії. Говорця презідента Блажей Спыхалскій повів про аґентуру PAP, же ,,желаня премєра буде сповнене“.  (TASR, Pkf)