Сабіновска радніця планує по рочній перерві продовжовати у выставбі наёмных квартелїв. Як про TASR повів пріматор Михал Репаскый, приготовлюють выставбу 24- квартелёвой єдноткы на Млинскій уліцї, котра буде в даній локалітї уж четвертвов. Як повів, хотять жадати увер зо Штатного фонду розвитку бываня а дотацію Міністерства транспорту і выставбы СР. ,, Предпокладаный розрахунок є приближно 1,5 міліона евр. Змаганём, самособов, цїна піде долов з тым, же хочеме досягнути максімалный строп в рамках дотації на метер квадратный, котрый є 1200 евр,“ повів Репаскый. Подля ёго слов бы хотїли каждый рік поставити далшы квартелёвы домы, цїлково бы там мало быти 104 квартелїв.

(TASR, Шутіова)