x

Вольбы за старосту села Громош в окресі Стара Любовня суть неплатны

00

Вольбы за старосту села Громош в окресі Стара Любовня суть неплатны. Вырішыв о тім Найвысшый справный суд СР. Прічінов є заважне порушіня закона о условіях выкону волебного права, што мало вплив на выслідкы волеб. Вердікт є правоплатный. Пресаґентуру TASR о тім інформував говорця суду Міхал Гайтол. Як дале приближыв Гайтол, же ,“волебну жалобу подав неуспішный кандідат на старосту села, котрый в комуналных вольбах в селі Громош здобыв 150 голосів. Жалованым є  успішный кандідат на старосту села, котрый здобыв в комуналных вольбах 158 голосів.“  Неуспішный кандідат в жалобі арґументовав окрім іншого і то, же членове волебной комісії неголосували меджі собов, котры членове выконають вольбы через переносну волебну скриньку у воличів пожадуючіх таке голосуваня. Жалобца дале поуказує і на то, же кандідат на функцію старосту села мав быти в часі волеб, то значіть в часі голосуваня, по  його скінчіню і в часі зрахуваня голосів повторюючо притомный у волебній містьтности. Споминаны засягы жалованого до волеб і голосуваня до переносной волебной скринькы поважує Найвысшый справный суд СР за неприятельный засяг до волеб з боку кандідата. (TASR, Pkf)